Total Pageviews

Thursday, September 30, 2010

Videos twee gedigte

Ek het besluit om te probeer om twee van my gedigte met my webkamera op te neem en op te laai. Dit is die eerste keer dat ek so iets doen, so ek beskou dit maar as 'n toetslopie. Dalk laai ek in die toekoms meer op. Wie weet?

B

video


video

Gebed vir 'n trompet

Here, hoekom sal in my hart nog trane opdam
as ek na U aardse lewenskepping dink?
-Ekself

Here, waarom val en stamp ek willens so
as ek by U fontein wil water drink?
-Ek wonder

Here, wanneer kan ek u berg met oorgawe bestyg
as my smeekgebede soos dooie eggo's klink?
-Ek pleit

Here, watter dag tog in U daeraad lank reeds beplan
as ek vra? Wees my naby, in my! Here help tog flink!
-Ek hoop

Here, en wanner die Self weer dink
en die wonderfontein se water wil drink
die wedergeboorte met trane pleit
Gee dan aan my die hoop tog flink
Dat u vir my 'n beker skink!
en 'n trompet weer in die Hemel klink!

Amen

Sunday, September 26, 2010

Toemaar die aleen man

Toemaar die aleen man, het sy hand uitgesteek
en jammer die besigman, het dit weggeklap

Toemaar het toe weer probeer, met 'n ander hierdie keer
en aggenee die liefdesman, het dit aggenoegsaam afgekam

Dalk dink toemaar die derde keer, dalk kry toemaar nie weer seer
en as-se-skuustog gaan net weg, klap ou toemaar tog maar weg

Toemaar is maar weer aleen, tog soos vroër die derde been
in hierdie nare tydsonwenteling iewers onder 'n sterrekring

Sit toemaar die aleen man en doen sy naam gestalte.

Hier's ek weer, hier ek weer met 'n skryfding op die deur.

Ai. Dit is net lekker om op 'n Sondag oggend te kan opstaan, uit te kyk by die venster en die hoop van rëen in die lug te sien. Wat 'n fees sal 'n ou stortbui nie wees nie.

Ek het lank gesit en gedink en bepeins oor wat ek vandag sal tik, of wat ek van onslae wil raak in my gedagtes. Hierdie is soos baie van julle al dalk agtergekom het my ontladingsmeganisme.

En uiteindelik het ek dit. Vandag se inskrywing gaan wees oor dinge wat ek dankbaar voor is. Nou moet ek sommer al in die begin sê dat dit vir my onmoontlik gaan wees om alles hier op te skryf so ek gaan begin met mense. Mense wat 'n rol in my lewe speel en wat die omgang in my alledaagse bestaan die moeite werd maak.

Om te begin en wie omn te kies om mee te begin is egter nie so maklik nie, so die beste manier dink ek is net om te begin in geen orde nie, en te tik en te laat wqaai.

Eerstens is ek dankbaar om nog 'n Pa op hierdie aarde te hê, alhoewel ons nie baie in gemeen het wat belangstellings of gesprekke betref nie. Begin ek hom al hoe meer verstaan, en is ek baie dannkbaar vir al die dinge wat hy vir my doen, tans asook sommer oor die algemeen. Ek is dankbaar dat daar 'n groter Hand is wat ook om hom omsien deur in die gedagtes van ander te werk. Ek is bly dat ek kan sien dat daar sin en 'n wilsbestaan in hom is. Iets wat ek gedink het eens weg was. Ek en tannie Helen het gister sommer gegaan vir 'n rondrits en dit was lekker! Ek het vir die tweede keer die noemenswaardige Fruit&Veg City in Montana besoek en dit was vir haar ook nogals 'n belewenis. :-) Dit was lakker om te kan sien hoe sy ook van Sushi hou. Iets wat my pa nie eers uit selfverdedighing sal eet nie. Ek is dankbaar vir die mooi verhouding tussen ons. Sy en my pa klomplimenteer mekaar, en dit is mooi! Iets wat ek voor kan opkyk.

Ek is ook baie dankbaar, (en daaroor ek ek al geskryf) vir die Lombard's! Dit is eintlik baie baie moeilik vir my om in vwoorde om te sit hoe ek voel oor die besonderse gesin. Die Here het werklik op die regte tyd vir my bekend gestel aan die 7 harte wat die Lombards uitmaak. Nou 6. Ek kan die skakel tussen hulle en die genade en die liefde van die Here sien en nêrens vir my is daar 'n groter danbaarheid en teken van God se liefde as juis dit nie. Mag die Here tog gee dat die familie se grootste lewensideale verwesenlik word, dit gestalte vind en Hy die eer daarvoor sal kry.

Ek is ook dankbaar vir 'n broer, met kinders en 'n vrou wat vir hom en hulle met haar hart omgee. Sy drie kindertjies gee vir my die rede om dalk ook nog te hoop. Here gee tog dat u Gees soos 'n wind deur hulle sal waai. Dat die liefde en die genade deur sal breek en dat dit die weg sal baan vir hulle bereidswilligheidgesindheid vir U. Dankie Here dat hulle ook deel kan wees in my lewe.

Dan is ek ook baie dankbaar vir ware vriende, en mense wat my dra in gebede maar ook as mens deur allerhande tye. Eks dankbaar vir my werksvriende. Dankbaar vir my kerkvriende. En dan in besonder is ek danbkaar vir: Correlie, Hetsie & Ds Johan. Oom Potjie en sy familie elk by wie ek op 'n besondere manier al geleer het en 'n wyser mens geword. Eks dankbaar om te weet dat daar altyd iemand is wat vir my sal bid. Altyd iemand is wat my sal dra, en dat ek Mev HGE enige tyd kan skakel en te vra om te skep uit haar myns insiens magdom lewenskennis. Oor 'n koppie tee of selfs op die kombuistoeltjie as sy een van haar "wonderfullymarvelousonepotwonders" maak. Dankie Here vir so 'n persoon.

By die werk gaan dinge en die gemoedere soms, van broekskeurmoedeloos tot kookwaterkwaad, en dan is daar altyd nog iemand om te sê: "daar is altyd iets om oor dankbaar te wees" en die humor in die situasie te kan ontluik. :-) Dankie Here vir CMP wat daar is nie net as 'n werkskolega nie maar ook 'n vriendin.

Terwyl ons by die werk is: Is daar ook al die ou gesigte wat my die moed gee om in die kar te klim en werk toe te ry. Tannie Joey (nêrens het ek nog so iemand tee gekom wat die wil het om iets te doen soos sy nie). Heimo (een van die beste kolegas om mee saam te werk) en Marlo ('n "nuwe" werksvriend met 'n regte hart) Ag en sommer al die res wat dit net lekker maak deur kwaad, verskil van opinie maar 'n gesamentlike vooruitgangsdoel. :-)

Dan is daar sommer net my pêlle, party si nou al gesinne :-) Die Viljoens: ek is dankbaar dat die Here dit so gegee het dat daar in my lewe tydens my studies wat persoonlik maar 'n turbulente tyd in my persoonlike lewe was ek kon maats maak met Andrè Viljoen. Dit is een pêl wat ek bly is ek ken. En waarvoor ek die Here kan dankie se voor. Hy weet dit dalk nie nou nie maar na dese sal hy (is dat ek baie van hom as mens al geleer het en dat ek opkyk na hom as persoon en Pa) Die Here het 'n Andrè 'n besonderse lewensmaat gestuur. En ek is dankbaar dat ek haar ook meer as mens kan leer ken. Ek hoop ek kry eendag ook so'n vrou wat haar man "pamper" soos Ilze vir Andrè doen. (Ps ek weet die è is verkeerd maar om die lewe kon ek nie die regte een se ASCII kode onthou nie ;-0)

Net soos wat die Here vir Dawid verskillende vriende gegee het, en een Jonathan. So het die Here vir my een Johannes Micheal gegee. Die Here werk is besonderse maniere, en wat my die dag besiel het om Johan na my eerste klein woonstelletjie aan die huis te nooi sal ak nou nog nie weet nie, maar sederdien is ek dankbaar dat ek my lewe ook met hom kan deel. Johan is vir my 'n Mentor, 'n Pastor, en 'n PEL!. Nie net is hy die mees belese en intelektuele mens wat ek ken nie (maar hy laat mens nooit minderwaardig voel nie) Hoe hy sommer net nommers en adresse kan onthou nadat hy die eenkeer gehoor het (is enige iemand in sy lyn se grootste wens) Genade ;-) Sy "mental paper" blyk nooit op te raak nie, en hy is altyd gereed om met een van sy kwinkslae die wêreld vir my in te kleur, selfs al voel my lewe soms so vol dat daar nie eers plek is vir 'n ..... nie (dit is 'n interne grappie) Net soos vir Andrè het die Here vir hom ook 'n besonderse lewensmaat gegee, en ek is saam met hom dankbaar.

Dan het ek ook baie kennisse van die Seminare en mense wat ek sommer baie keer dinge met my lewe kan deel! Daarvoor is ek ook Dankbaar. Ek is dankbaar vir mense wat altyd bereid is om vir my te bid. So baie name kom op maar ek moet dankie se vir Celia (my seminaar ma) en ook (oom Faan en Leah) en sommer al die ander ook.

Later sal ek skryf oor mense oor wie ek dankbaar met wie my lewe al gekruis het. Ek vertrou en glo dat elkeen van hulle deel was van God se plan in my lewe.

Cheers vir eers (Dit is nou amper tyd om klaar te maak om voorsang te gaan oefen)

Die uwe ekke AAKB

Sunday, September 12, 2010

Dalk ....Dink dink dink doen sê, watookal die letters is.

Dagsê aan myself.

Dit is jou binneste hierdie.
Jy het my afgeskeep, of so voel ek. Maar ons is so een dat die werlikheid skreeu teen die plafon. Iewers voel dit soms soos 'n hok, en 'n horlosie, om om om, 12, 1, 2, 3 weer 12, 1,2,3,4 weer en weer. Om en om. Selle ou storie.

Kom ek noem hierdie sommer so 'n terapeutiese geleentheid tussen my vingers, my gedagtes, die sleutelbord en die kuberruim, en ook tog in die vreemde 'n korte konneksie met die leser van hierdie gedagtewarboel. Hoekom sal ek dit tik, hoekom sal ek alles tik? Geen mens weet nie. Op die oomblik voel ek vasgevang soos 'n hoender in 'n hok, selle meel selle geselskap selle alles oor en oor. En genade, eks nie gemotiveer nie, dit is sommer saam met die kind en die badwater by die agterdeur uit. Wat sal jy vra? Kom ek noem dit die lus. Ander mense sal dit dalk luihuid noem, dit ook.

Vanoggend se erendiens by die kerk, was weer een van daardie ander geleenthede. Een waar 'n mens retrospektief en introspektief na 'n mens self moes kyk. En my eie selfverslag was nie een waarop ek trots kon wees nie. Here help tog hier.

Die week wat kom gaan weer wees soos die ander, en dit is die ergste. Die feit dat die kring so voorspebaar is. 3,4,5,6 ens ens 3,4,5,6 later weer 12.

Ek voel soms soos iemand wat so vasgevang is in 'n groef van dinge dat uitklim by die dag moeilikker raak, en die modder al hoe natter al hoe sagter. Maar nou ja. Dit is deel van die lewe. Wat sal ek sit op 'n hoekie en inmekaargekrip voel of ek my eie senuwees wil afknaag. En om alles te kroon moet ek nog weke wag vir iets, hoe wonderlik.....

As jy dit lees en wonder wat hier aangaan en of ek nog "oraait is", moenie "warry" nie. Ek is nog 10-4 of dalk beter gestel 10-4.5 :-) Ek tik maar net al hierdie goed om dalk op die ou einde beter te voel.

Dalk is môre anders,
wie weet?
Dalk is môre my enigste
gister klaar vergeet?

Dalk is môre dalk
nie daar nie
En my lewe
nog nie klaar nie

Here gee dat môre
ook vir tog anders is,
en binne aardseduisternis
kniel ek vir beteknis!

Here gee dalk nou
as in U daeraad wou
Opnuut 'n nuwe hart van vlees
willens, wetens teen U bors te wees.

AAKB

Tuesday, September 7, 2010

Lentegedagtes

Wat sal ek in die lente sê?
waar sonskyn lag en vreugde is
en nuwe lewe bot
Waarom sal ek huil?

Wat sal ek in die lente dink?
waar blomme groei en lewe is
en winter deel van gister is
Hoekom my gedagtes ruil?

Wat sal ek in die lente doen?
Waar lenterëens nog erens hunker
om al die gisters weg te was.
Hoekom, waarom vra?

Here gee tog dat hierdie lente
Wat vol van U belofte is
êrens in my lewensdrome
Iets opkom wat houbaar is.

Friday, September 3, 2010

Dit is Lente!

Daar is werlik op die oomblik nie iets waaroor ek meer goed voel as juis die feit dat dit nie meer koud is nie.
Ek het gevoel dat hierdie winter vir my persoonlik nog die ergste en goorste een nog.

Die ou winter wat verby is het nie net, koue in die fisieke vorm gehad vir my nie maar ook in die psigisiese ruim het ek verkluim. (Of soms het ek so gevoel)

Op die oomblik voel ek goed, lyk ek beter! En is dankbaar vir soveel dinge.

My beste vriend se altyd! "BE BOLD! and increddible FORCES will come to your AID"

Wel 'n epos was dalk in die regte rigting!

Wie weet.

:-)