Ek is jammer, maar wil graag sê. (Nadenke oor 'n stelling)

Hoe druf jy dit sê!
En wie dink jy is jy?
Dat jy met jou woorde houding kry.
Belangrike mense is seergemaak
hard deur jou woorde aangeraak!
Goeie mense vir God se saak.
Hul egos, en eer is aangetas.
Die skoen het gepas
Ai! wat 'n groot las.
Die arme dissipels
met vissiename
geblaas en geset in glas.
Hoe druf jy dit sê!


Hoe durf jy dit sê!
Herhaal tog weer!
Kan jy dit sê
wat makeer?

"Dat almal nie hier werk
vir die regte redes nie"

Wie dan wat,
en hoe dan wie?
Gee jou redes
anders moet ons
praat.
Oor jou verkeerde
houdingsdaad.

My liewe liewe liewe mens,
in retoriek
volg die repliek.

Die antwoord is so opsigtelik.
In die kyk en die staar en elke blik.
In blinke motors oorteffelik.
En in titelletters al te dik.
In die vergaderings agter geslote deure.
Die geskreeu op kinders soos masjien gewere.
In die pos en sy vae omskrywing.
In die houdings
die loop
goeie salaris.
Die onderlingse geskinder
as alles klaar is.
En volgende keer as
iemand sy salaris kry.
Teenoor wie en
teenoor wat verantwoord hy?

Dalk moet ons net die antwoord hierop kry!
Want 1 Korintiërs 10:31
en Galasiërs 5:22,23 en 25
laat wonder my.

Daarna
voel vry!
En kom dan
en raas met my!
En in goeie geloof
en opregte eer
sal jy jou verskoning kry.
Ek is hartseer
en jammer oor hierdie woorde
die intesie
was 'n oproep!
En noodsaak
introspeksie
vir julle
en ook vir my.

"Here asseblief vergewe my
Laat U liefdesgees in my weer die oorhand kry.
En my gedagtes en denke steeds
by U bly
Amen"

Comments

Post a Comment

Popular posts from this blog

Brief aan 'n vriend

Beste Vriend Ek weet nie eers hoe om hierdie brief te begin nie. My hart is seer saam met joune, en die warboel gedagtes oor die lewe is ook soos sout op my lewenswortels. Wat kan ek sê oor die dinge van die afgelope tyd. Daar is niks wat ek kan doen om jou hartseer, en dalk ook jou agressie of innerlike tweespalk te demp nie. Weet net een ding, en weet dit verseker! Maak nie saak hoe erg die dinge nou te blyk wees nie, die toekoms en ons verwagting oor dit wat voorlê is verseker beter. 'n Ander goeie vriend van my sê altyd, as jy ding dink dit erg en sleg gaan, en jy in die put is, moet jy weet, dit kan altyd erger. Dit is 'n snaakse, vreemde idioom maar tog waar in elke opsig. Ek kan nie jou omstandighede verander nie, ek kan net toekyk hoe die lewe se wasmasjien sy siklus op jou volstoomsterkte volbring. Dalk, net dalk kan ek dit ter versagtig sê, ek was ook al deur dieselfde wassiklus, 'n paar maal al, en oor al die kere kan ek nou getuig dat ek tog die Here se hand da...
Read more

Here dankie vir my vrou!

Here! Dankie vir my vrou. Vir my,  ons lewensliefde. Iemand waarvan ek hou. Here, dankie vir die mooi in haar wat uitstraal soos 'n lig. Wat my die toekoms weer laat sien vanuit 'n ander sig. Here! Dankie vir 'n lewensbaan. En haar, om hand en hand mee saam te gaan. Here, dankie vir wat u ons gee: 'n kind ons lewensklop! En met hierdie mooie wete u Gees, en hand hou oor ons dop. Here! Dankie vir my vrou. Dat ek ons huwelik, en kroos aan U alleen, veilig  kan toevertrou. Help, maak my 'n man nader aan U hart en wees met ons op die lewenspad, want; Waar anders sal ons hulp vandaan kom? As egter U alleen. Here! Dankie vir my vrou! Vir my,  ons lewensliefde. Iemand waarvan ek hou.
Read more

Maak 'n PATATROL. Aanbeveel deur die Hartstigting en Orgaanskenkersvereniging, 'n Weighless Top Ledewerwer!

Image
So is dit dan nou ook! Male sonder tal is ek al gevra om my eie (en dit is werklik my eie) kreatiewe kosskepping se resep te deel. En hier is dit dan, met prentjies en al. Alvorens ek die resep gee moet ek eers die gekiedenis van hierdie ou beskeie, rolletjie gee. Ek is woon gereeld 'n lewensverryking seminaar by, (as klankhulp, groepleier, en fotograaf). Hierdie seminare word meestemal aangebied te Midway Inn (Hotel) by Middelburg. Nou as jy nog nooit 'n seminaar bygewoon het nie, het jy werklik 'n agterstand in die lewe!!! Glo my. Gaan besoek gerus Lewensverryking Seminare se Webtuise by: http://www.lewensverryking.co.za/ Dit is werklik iets om by te woon. Jy stap deur die Genade as 'n ander mens daaruit! Terug by die storie, die Hotel waar die seminare aangebied word is befaam, vir hulle uitnemende kookvernuf, (soos ouma dit gemaak het!) daar is glad nie 'n ligte hand as dit kom by Botter, Room, en spek ens. as bestandele nie. 'n Mens eet jou behoorlik in ...
Read more