Is daar 'n God? Is ons een die regte een?

Gisteraand, het ek 'n goeie gesprek op Nimbuzz gehad. (En vir die wat nie weet nie Nimbuzz is 'n kletsprogram vir jou selfoon)

Ek en een van my geselsvriende het op die vraag gekom: Is ons God die regte een? Hoe weet ons die Moslems is die dalk reg nie?

My antwoord aan hom was die een wat ek gewoonlik gee, nl. Ek het al gesien hoe iemand 'n demoon uitdryf in die naam van ons Here Jesus Christus. Ek het nog nooit gesien dat enige ander geloof dit doen nie.

Sy tweede vraag aan my was: Hoe weet ons regtig ons is reg? Hier moes ek dink en my antwoord toe was, Ons het die Heilige Gees wat ons oortuig, geen ander godsdiens kan ooit seker wees nie, en daarom weet ons as kinders van die Here waar ons hoop en verwagting is.

*~*~*

Soos wat somige van julle seker kon agterkom uit my vorige "bepostings" sukkel ek op geestelike terein, en voel ek dat Paulus se woorde van: "Die goeie wat hy wil doen maar nie doen nie" al hoe meer waar raak in my lewe ook. Dit is 'n worstelstryd en een soos wat Prof Stefan Joubert sê slegs in jou kop oorwin moet word.

Gisteraand en vanoggend was weer so 'n geleentheid.... een van bepeinsing en een van selfgesprek en ook berou.. sommer dat die trane vanoggend uitkom.....

Maar, ons hoop beskaam nie!

Ek ontvang 'n epos van 'n swart kollega van die werk. Snaaks genoeg sien ons mekaar baie min, en is ek tans nie eers seker met al die verwikkelinge waar hy om self en op watter kampus hy hom bevind nie. Die epos lui as volg:


Morning Bertie

Verse: Isaiah 30:19

He (God) will surely be gracious to you at the sound of your cry; when He hears it, He will answer you.

- God is a good God.
- He wants to be gracious and kind towards you.
- Call on Him - He hears.
- He will answer you.

PRAYER: Lord, You know what is in my heart and You hear when I call to You. You are my hope and I trust You. Amen.

Have a great day.

Regards
A

Dan kom die vraag by ons op, dien ons die regte God? Dien ons die regte Here, is ons God waar en wraagtig? VERSEKER JA, geen ander HERE werk en wek op sulke wonderlike maniere nie. Geen ander geloof bring hoop en redding nie!

Dankie HERE!

Comments

Post a Comment

Popular posts from this blog

Brief aan 'n vriend

Beste Vriend Ek weet nie eers hoe om hierdie brief te begin nie. My hart is seer saam met joune, en die warboel gedagtes oor die lewe is ook soos sout op my lewenswortels. Wat kan ek sê oor die dinge van die afgelope tyd. Daar is niks wat ek kan doen om jou hartseer, en dalk ook jou agressie of innerlike tweespalk te demp nie. Weet net een ding, en weet dit verseker! Maak nie saak hoe erg die dinge nou te blyk wees nie, die toekoms en ons verwagting oor dit wat voorlê is verseker beter. 'n Ander goeie vriend van my sê altyd, as jy ding dink dit erg en sleg gaan, en jy in die put is, moet jy weet, dit kan altyd erger. Dit is 'n snaakse, vreemde idioom maar tog waar in elke opsig. Ek kan nie jou omstandighede verander nie, ek kan net toekyk hoe die lewe se wasmasjien sy siklus op jou volstoomsterkte volbring. Dalk, net dalk kan ek dit ter versagtig sê, ek was ook al deur dieselfde wassiklus, 'n paar maal al, en oor al die kere kan ek nou getuig dat ek tog die Here se hand da
Read more

Here dankie vir my vrou!

Here! Dankie vir my vrou. Vir my,  ons lewensliefde. Iemand waarvan ek hou. Here, dankie vir die mooi in haar wat uitstraal soos 'n lig. Wat my die toekoms weer laat sien vanuit 'n ander sig. Here! Dankie vir 'n lewensbaan. En haar, om hand en hand mee saam te gaan. Here, dankie vir wat u ons gee: 'n kind ons lewensklop! En met hierdie mooie wete u Gees, en hand hou oor ons dop. Here! Dankie vir my vrou. Dat ek ons huwelik, en kroos aan U alleen, veilig  kan toevertrou. Help, maak my 'n man nader aan U hart en wees met ons op die lewenspad, want; Waar anders sal ons hulp vandaan kom? As egter U alleen. Here! Dankie vir my vrou! Vir my,  ons lewensliefde. Iemand waarvan ek hou.
Read more

Maak 'n PATATROL. Aanbeveel deur die Hartstigting en Orgaanskenkersvereniging, 'n Weighless Top Ledewerwer!

Image
So is dit dan nou ook! Male sonder tal is ek al gevra om my eie (en dit is werklik my eie) kreatiewe kosskepping se resep te deel. En hier is dit dan, met prentjies en al. Alvorens ek die resep gee moet ek eers die gekiedenis van hierdie ou beskeie, rolletjie gee. Ek is woon gereeld 'n lewensverryking seminaar by, (as klankhulp, groepleier, en fotograaf). Hierdie seminare word meestemal aangebied te Midway Inn (Hotel) by Middelburg. Nou as jy nog nooit 'n seminaar bygewoon het nie, het jy werklik 'n agterstand in die lewe!!! Glo my. Gaan besoek gerus Lewensverryking Seminare se Webtuise by: http://www.lewensverryking.co.za/ Dit is werklik iets om by te woon. Jy stap deur die Genade as 'n ander mens daaruit! Terug by die storie, die Hotel waar die seminare aangebied word is befaam, vir hulle uitnemende kookvernuf, (soos ouma dit gemaak het!) daar is glad nie 'n ligte hand as dit kom by Botter, Room, en spek ens. as bestandele nie. 'n Mens eet jou behoorlik in &
Read more